In cust'Altura

Quello che babbo amava di più, erano le feste e la gente, stare in compagnia e condividere la tavola con un buon vino, tanta salsiccia e un buon arrosto…
Quello che d’altronde lui ha acquisito dalla sua terra: AUSTIS
In queste due poesie “A-benides” e “In cust’Altura”, invita i forestieri a visitare il suo Austis, quale luogo di incanto e dolce dimora, popolato soprattutto da tante donne “ingegnose” che aspettano con il cuore in mano. Eccone alcuni passi:

“In sas funtanas ombrosa
crocollana de continu
abbas delisciosas
e murmurios soaves
de fruscios cristallinos
s’intenden a d’ogn’ala”

“Beni o furisteri
a custu logu de incantu
e cando partis pregas
de bi torrar’ancora.
Partis cun rimpiantu.-“

IN CUST’ALTURA

Subra de cust’altura
curret aria sana
ossigenada de buscos seculares,
e dae sas bassuras
benit sa zent’afflita;
dulze,dulze dimora
pro sos isconsolados,
sollievu e riposu
de animas errantes.
Inoghe sa salude carignat
s’ispiritu e s’ardimentu,
a totus torrat s’animu serenu.
In sas funtanas umbrosas
crocollana de continu
abbas delisciosas
e murmurios soaves
de fruscios cristallinos
s’intenden a d’ogn’ala.
Totu cust’armonia
ti faet ismentigare
cuddas dies penosas
de una vida tantu tribulada.
Beni o furisteri
a custu logu de incantu
e cando partis pregas
de bi torrar’ancora.
Partis cun rimpiantu.-

Pera Austinu Sanna Migone
Austis,su 7 de Austu 1967


A-BENIDES

Benide amada zente a bidda mia
ca bos rendimus totu sos onores,
benide a nde attire sos fiores:
bos torramus amore e simpatia.
Benide ca cantamus sas cantones,
faghimus festa cun sonos e ballos;
coghimus sementosas e gragallos,
bitella cun porcheddos e anzones.

Benide ca faghimus festa rara,
cumbidan sas personas generosas:
binos bonos de Sorgono e Atzara.

Benide a Basilocku fitianu
ca sas bajanas nostras geniosas
sun isettende cun su coro in manu,

de lusingas d’amore disizosas.-

Pera Austinu Sanna Migone
Frores de monte 97