In sa sedda prus alta ‘e sos carales
tra s’arcu de su Mullone e su Mercante,
sa cresia ‘e Sant’Antoni est vigilante
de pastores, massaios, forestales;
cun s’accordu de notos curiales
fit posta in Basilocu dominante:
da-e Zuanna Maria e de Grissante
pro contentare tottus sos rurales.
Treghentos doigh’annos, sos artistas
mastros de muru e piccaperderis
l’han costruid’a granitos finidos.
Dimora’e nuinantes e turistas,
de vassallos antigos cavalleris,
cuadorzu ‘e ladrones e bandidos.
P. AUSTINU SANNA (Migone)
TRADUZIONE
Sant'Antonio in Località Basilocu
Nessun commento:
Posta un commento